في كل بيت بالكويت اليوم طرف إضافي يشارك في تربية عيالنا… والهاتف هو الباب اللي يدخل منه.

من خلاله يوصل لولدك كل يوم محتوى وآراء ونماذج حياة وأفكار ما اخترتها له، وخوارزميات تتعلم شنو يشد انتباهه وتعطيه منه أكثر. ومع التكرار، ممكن الشي اللي كان غريب عليه يصير عادي، واللي كان يرفضه يصير مقبول، والرأي اللي كان يرجع لك فيه يبدأ ياخذه من مصدر ثاني.

وهني المشكلة مو: كم ساعة يستخدم الجوال؟

المشكلة الأهم: شنو قاعد يدخل عليه من خلاله، وشنو قاعد يسوي فيه؟

ولهذا… د. إبراهيم الخليفي يلتقيكم وجهًا لوجه في الكويت

في ورشة حضورية تفاعلية، يجتمع د. إبراهيم الخليفي مع أهالي الكويت لمناقشة واحد من أهم تحديات التربية اليوم: شلون نحمي عيالنا من المؤثرات اللي حولهم، من غير ما نخسر ثقتهم وقربهم منا؟

هاللقاء هو الجزء الثاني من «عادات الأسر الذكية حول التسونامي الرقمي»، امتدادًا لتجربة تربوية شارك فيها أكثر من 1000 شخص، ووصل المحتوى المرتبط بها لأكثر من 30 مليون مشاهدة.

ومع خبرة د. إبراهيم الممتدة لأكثر من 30 عامًا في التربية وعلم النفس التربوي، راح تكونون معاه في 4 ساعات من النقاش والتفاعل المباشر، تفهمون فيها شنو وراء سلوكيات عيالكم، وتتعلمون شلون تتخذون القرارات التربوية المناسبة، وتطرحون أسئلتكم ومواقفكم الحقيقية عليه وجهًا لوجه.

مو مجرد محاضرة عن الجوال… فرصة تسمعون، تسألون، وتناقشون د. إبراهيم مباشرة.

شنو راح نناقش مع د. إبراهيم في الورشة؟

✅التسونامي الرقمي: متى يتحول الاستخدام إلى تأثير؟

شلون تعرف إذا ولدك يستخدم التقنية بشكل طبيعي، أو إذا المحتوى بدأ يغيّر تركيزه وأفكاره وعاداته وطريقة نظرته لنفسه والحياة؟

✅ منو قاعد يربي عيالنا معانا اليوم؟

شلون تغيّر دور الأب والأم مع تعدد مصادر التأثير؟ وشنو نسوي لما كلمة من الربع أو مقطع مدته دقيقة يصير تأثيره أقوى من كلام نكرره من سنوات؟

✅ السلوك الظاهر… وشنو قاعد يصير وراه؟

يعاند، يخبي، يرفض، يقفل الباب، يقعد بالساعات على الهاتف… شلون نفهم الرسالة أو الاحتياج اللي وراء هالسلوك، ونتعامل معاه بدل ما ندخل في صراع مستمر؟

✅ الحماية أم المساحة؟

متى يحتاج ولدك متابعة وحزم؟ ومتى يحتاج ثقة ومساحة أكبر؟ وشلون نحميه من غير ما نخليه يتعلم يخبي عنا بدل ما يتعلم يختار؟

✅ بناء الهوية والبوصلة الداخلية

شلون نربي ولد يعرف يفرز اللي يشوفه ويسمعه، ويتحمل قراراته ويثبت أمام ضغط الربع والترند والمحتوى، حتى لما ما نكون موجودين معاه؟

✅ التربية الرقمية داخل البيت

شنو القواعد والعادات اللي نحتاج نراجعها؟ وشلون نكون جزءًا من عالم عيالنا الرقمي بطريقة تحميهم وتحافظ على قربهم وثقتهم فينا؟

والأهم… مواقفكم وأسئلتكم جزء من اللقاء!

عندك موقف يتكرر مع ولدك ومحتار شلون تتصرف؟

تحتويه؟ تحزم معاه؟ تراقبه؟ أو تعطيه مساحة؟

هذي فرصتك تناقش تحدياتك التربوية مع د. إبراهيم الخليفي وجهًا لوجه، وتسمع منه مباشرة، وتستفيد من أسئلة وتجارب أهالي الكويت المشاركين في الورشة.

وتقدر ترسل موقفك لفريق تدرب قبل الورشة، ويكون من الحالات اللي يناقشها د. إبراهيم خلال اللقاء.

4 ساعات ممكن تغيّر نظرتك لتربية عيالك

الهدف مو إنك تطلع بمعلومات أكثر عن الجوال وبس.

الهدف إنك ترجع بيتك فاهم عيالك أكثر، وعندك رؤية أوضح تعرف فيها متى تحتوي، متى تحزم، ومتى تعطي مساحة.

لا تفوّت فرصة اللقاء المباشر مع د. إبراهيم الخليفي في الكويت، وكن واحدًا من الأهالي المشاركين في هالنقاش التربوي.

📍 الكويت | الأربعاء 28 أكتوبر | 6–10 مساءً بتوقيت الكويت

50 مقعدًا حضوريًا فقط — احجز مكانك الآن.